swe

info

Nevipe     Svedo    Rumunija        Svenska      English      Romanes    Forumo

Vazno Informacija

...vaj feri interesantno

 Kathar o rom, o Brigadir...

Rud'imo karing e EU

Kathar ekh rom anda lole thema

     Amaro dad kaj san opre ando EU. Suntol'pes thaj barjol'pes ciro anav perdal e thema, meg dzi perdal o Kremlino. T'aven cire kralipe maj bare sar so si'le thaj te kerel'pes ciri voja sar so si ando vest te avel vi ando est.

Amari bari thaj sako-djeseski bokh le'la Raja amendar adjes, ke ci sam aba chale maj but kathar e cikne kokala so ashon katar amare guvernura thaj e but hajitora so shon'pen angla amende. Appo, ker amenge than kaj ci mesalji Raja, ando vest thaj mukh amen te sluzjisaras tut pe chache euro thaj na pe zikne chochamne dinara.

Amaro dad so si tut cerhajangi kuruna po vuneto ceri, le amen maj pashal tute thaj ferij amen kathar amare lole politikara save ekh phenen ande alosarimaski kampanija thaj kaver keren shtar bersh pala kodo.

       Thaj na inger amen ando andrezimos(frestelse) kana vi kade ci des amen khanci anda kodo sosa andrezis amen.

Thaj ande amaro drom karing tute feri amen Raja vi amare romendar, kodolendar so inkren o ilo anda o budelaroshi thaj e godzi ande posocij ke but anda lende si ande ciri bar thaj feri razin e kopacha thaj kiden pala e phuv bi te sepin thaj te pajaren kaj e redecina/vuna. De sar avri puterdan cire udara but sapa ciorales gele ande ciro kher thaj otrevin savoren protiv amenge, e romenge thaj anen ande e sako falo nasfalipe(sar e: rasism influenza, diskriminaciako viruso, t.k.m.d.)

       Le sama Raja pala cire andjalura(ängel), o Berlusconi thaj kaver sar vov ke feri hasnin amen sar budako papirosho(te jertis!) thaj pala soste mukle amen andre po udar shuden amen avri pe feljastra. Thaj maj le sama, Raja, pala e kandidatura so alojpen akanak te beshen kaj ciri mesalji ke but anda lende si e Judaske manusha. Dikh Raja pala lenge posocija kana andre dzan ando EU feri dikh maj feder kana avri dzan shaj maj arakhesa vo duj trin somnakune trushula thaj kuci kipura garade. Te na muken tut shusho.

Ando anav e dadesko, e EU, o ONU, e EC, EON, GSM thaj sa e kaver betivura ando alfabeto! Amen!

Kontakto

Sa e artiklura